Danza moderna, baile latino, pole dance, capoeira, ballet, danza aérea, jazz musical, danza árabe tribal, unha mestura de estilos que representa a multiculturalidade que latexa con forza na nosa cidade.

O Festival Solidario de Danza tamén é unha mostra da solidariedade e apoio ás causas sociais xa que os ingresos do despacho de billetes serán destinados á ONG Equus Zebra, que traballa na Coruña desde o ano 2000 pola integración socio-laboral de persoas en risco de exclusión.

Esta é unha iniciativa solidaria da Asociación Cultural STEPS coa participación doutras asociacións e escolas de baile como: Paso a paso, Fight and Dance, 939 Studio, Cinderella Escola de Ballet, o Colexio de Educación Infantil e Primaria Raquel Camacho, Sue Moreno Escola de Acrobacias Aéreas, Danzalia Mundi Escola de Danza e Pilates.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h

Despacho do Centro Ágora: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web