AVISO URXENTE PARA TODAS AS PERSOAS COMPRADORAS DOS ESPECTÁCULOS "LA VERBENA DE LA PALOMA" e "GRANDES VOCES PARA GRANDES ÓPERAS". Debido ás restricións de capacidade decretadas pola Xunta de Galicia derivadas da crise da COVID, os espectáculos da Temporada Lírica A Coruña 2020 previstos para esta semana ("La verbena de la paloma" e "Grandes voces para grandes óperas") realizaranse cunha capacidade reducida de 60 persoas, que se corresponden coas 60 primeiras que adquirisen a entrada, de acordo coa plataforma de venda de entradas. O promotor do evento, a Asociación Amigos da Ópera, comunicarase coas 60 persoas compradoras que, se conservan a súa localidade, poderán acudir ao evento. Para todas as demais, procederase a devolver o prezo das localidades a través do mesmo medio de pago (efectivo/tarxeta) no que se realizou a venda. Para compras en liña: procederase á devolución automática do seu importe a través da tarxeta de crédito/debido coa que se realizou a compra. A devolución incluirá o importe dos gastos de xestión que fosen aboados. Para compras en efectivo/tarxeta no despacho de billetes: para estas devolucións habilitaranse os seguintes despachos de billetes nas seguintes datas e horarios: Despacho de billetes Teatro Colón. Do 2 de setembro ao 5 de setembro, ambos os días incluidos. Horario 10.30 - 14.00 h e 16.30 h - 20.30 h. Despacho de billetes da praza de Ourense. Do 7 ao 11 de setembro, ambos os días incluídos. Horario habitual do despacho de billetes da praza de Ourense (09.30-13.00 h e 16.30 h- 19.30 h). Pedimos que desculpen as molestias. Desde a organización realizáronse todos os esforzos posibles e ata o último momento para poder realizar o evento nas condicións deseñadas inicialmente, pero a situación sanitaria obríganos a adaptarnos ás circunstancias. Así mesmo informamos de que para todas aquelas persoas que polas limitacións oficiais non poidan asistir ao evento retransmitirase gratuitamente as funcións en streaming a través da canle habilitada pola Asociación Amigos da Ópera: https://www.youtube.com/user/amigosoperacoruna Para os espectáculos das próximas semanas estamos pendentes de recibir novas indicacións por parte da Xunta de Galicia segundo a evolución da pandemia.