O venres 14 de decembro Leiva publica o primeiro sinxelo do que será o seu próximo disco, o cuarto na súa carreira en solitario.

"No te preocupes por mí" está dispoñible en formato sinxelo dixital (en todas as plataformas) e nunha edición especial en vinilo 7". Coa estrea da canción, tamén podemos gozar do seu novo videoclip rodado en Barcelona, dirixido por NYSU e producido por GARAGE FILMS.

Leiva leva na música desde principios dos 90 pero a súa carreira en solitario iníciase en 2012, co disco "Diciembre", e, seis anos despois, conta con tres álbums de estudo ás súas costas, numerosas colaboracións, e unha indubidable faceta como produtor (na que destacan os aclamados discos "Lo niego todo" de Sabina e "11" de Abel Pintos).

Recoñecementos como o Premio Rolling Stone ao Mellor Disco Do Ano, Premio 40 Principales ao Artista Rock Do Ano, premio Los 40 Music Awards ao Artista Do Ano, e varios nomeamentos nos Latin Grammys avalan a súa carreira. O broche de ouro tivo lugar en febreiro de 2018, cando se fixo co Goya á Mellor Canción Orixinal por "La llamada", canción coa que tamén estivo nomeado a MELLOR CANCIÓN ROCK na última edición dos Latin Grammy.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h

Despacho do Coliseum: aberto só días de concerto desde as 17.00 h ata o inicio do concerto (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web