A sala de exposicións do Palexco acolle ata marzo a exposición "Máis Nunca Máis", que recolle a creación artística e popular xurdida tras a catástrofe do petroleiro Prestige, unha iniciativa promovida pola A.C. Unha Gran Burla Negra coa colaboración do Concello da Coruña.

A mostra, que está deseñada polo colectivo Radio Buguina, está centrada e preto de 1.500 imaxes montadas en movemento, grazas a 20 proxectores

A inauguración da mostra, o 17 de xaneiro ás 19.30 h. no Palexco, terá como acto inicial unha palestra na que intervirán algunhas das persoas protagonistas do movemento Nunca Máis como foron Manuel Rivas, Uxía Senlle, Felipe Lourán e Suso de Toro.

As actividades complementarias á mostra péchanse coa mesa redonda "O Nunca Máis como fin do réxime fraguián. Dezaseis anos dun vergoñento consello de ministros", que se celebrará no salón de plenos do Concello o 24 de xaneiro ás 19.30 horas.