1. PRESENTACIÓN.

A natureza dos municipios e do goberno local mudou de maneira moi significativa nos últimos trinta anos, tanto a nivel galego coma global estas mudanzas son produto da rapidísima urbanización, a descentralización política-administrativa e a multiplicación das interdependencias globais (da liberalización económica ao cambio climático).  Este novo escenario configura as cidades actuais coma figuras concretas no marco histórico da globalización e a explosión das Tics (tecnoloxías da información e a comunicación), situándoas coma centros de poder político, económico, cultural e simbólico.

As cidades dos nosos días desenvólvense froito da súa capacidade de aglomeración e concentración de persoas, servizos, empresas, talento e conectividade global; xa sexa por medio de infraestruturas físicas, dixitais e se callar máis importantes, as relacionais. Estes novo escenario deu por impulsar a necesidade da acción exterior municipal coma unha dimensión máis dos gobernos locais, situándonos nun cambio de paradigma dos modelos de xestión do goberno local en todo o mundo. Nun planeta onde todas vivimos interconectadas, os territorios precisan conectarse ao internacional de maneira consciente, coma parte central do modelo e a marca da cidade e a imaxe global a proxectar.

Nas Xornadas do próximo 21 de marzo organizadas desde o Consorcio de Turismo (Concello da Coruña) achegarémonos a este fenómeno, partindo do estado da cuestión en Galicia, no contexto aberto pola Estratexia Galega de Acción Exterior, impulsada pola Xunta de Galicia e o estudo elaborado polo IGADI para o Concello da Coruña, -Bases de Acción Exterior da cidade da Coruña. Ademais contaremos cun panel central de Andoni Aldekoa, referente internacional do concepto de -cidades globais, axentes da sociedade civil da Coruña relevantes na súa internacionalización e a experiencia das cidades de Bilbao, Xixón e Barcelona.

Pódese inscribir por medio dun correo electrónico a info@igadi.org indicando nomes e apelidos. O IGADI emitirá un certificado de asistencia ás persoas inscritas que o soliciten.

2. PROGRAMA.

10:30 Recepción participantes.

10:45 Presentación institucional das Xornadas.

• Xulio Ferreiro, Alcalde da Coruña.

  11:15 Panel inicial. Da Estratexia Galega de Acción Exterior (EGAEX) á paradiplomacia local galega: as BAEX A Coruña 2018-2021.

  Relator: Daniel González Palau (Director do IGADI. Foi Secretario do Fondo Galego de Cooperación e Solidariedade entre 2011 e 2015, no 2009 publicara "Os irmandamentos en Galicia: Globalización, redes e goberno local")

  Presenta e modera: Lanzada Calatayud. Xerenta do Consorcio de Turismo.

  12:00 Panel central. A internacionalización das cidades intermedias e a narrativa global urbana.

• Andoni Aldekoa. Director xeral de Euskalduna Bilbao Centre e profesor visitante, entre outras, da George Washington University, a Universidade Pontificia Comillas ICAI-ICADE e a Universidade de Deusto. Foi Conselleiro delegado do Concello de Bilbao.

  Presenta e modera: Lanzada Calatayud. Xerenta do Consorcio de Turismo.

  13:30 Fin da sesión da mañá e xantar de traballo.

  15:30 Mesa de Actores locais para a internacionalización do territorio: Que achegamos ao territorio e como presentamos A Coruña ao mundo?

• Carlos Rodríguez. Director da Escola de Turismo da Universidade da Coruña.

• Pablo López Blanco. Xefe de servizo de internacional da Cámara de Comercio da Coruña.

• Eugenia Díaz, técnica superior de Relacións Internacionais naUniversidade da Coruña

• Maika Beltrán. Delegada de Intermon Oxfam e representante Grupo Norte da Coordinadora Galega de ONGD.

  Presenta e modera: Alberto Lema Suárez. Presidente do Consorcio de Turismo. Concelleiro de Emprego e Economía Social do Concello da Coruña.

  16:45 Mesa redonda de cidades: Como organizamos a acción exterior?

• J.Manuel Blanco. Subdirector Analise e Programación. DX Relacións Exteriores. Xunta de Galicia.

• Estíbaliz Luengo Celaya. Directora de Bilbao Internacional, Concello de Bilbao.

• Enrique Rodríguez Martín. Xefe do Departamento de Iniciativas Internacionais, Concello de Xixón.

• David Llistar. Director do Departamento de Cooperación Internacional e Xustiza global, Concello de Barcelona.

  Presenta e modera: Daniel González Palau (Director do IGADI. Foi Secretario do Fondo Galego de Cooperación e Solidariedade entre 2011 e 2015, no 2009 publicara "Os irmandamentos en Galicia: Globalización, redes e goberno local")

  18:00 Clausura. Alberto Lema Suárez. Presidente do Consorcio de Turismo. Concelleiro de Emprego e Economía Social do Concello da Coruña.