Tradicionalmente existen dous tipos de crítica. Dun lado, temos o exercício académico de análise de textos, debedor da Teoría da Literatura, fillo dos estudos estilísticos, que foi sacudido polo post-estruturalismo, polo marxismo e os estudos culturais. Esta crítica académica - que tamén esta sometida aos vaivéns ideolóxicos e aos cambios de marco teórico - pouco ten que ver co segundo tipo de crítica, a recensión literaria de prensa, aquela publicada nos suplementos culturais, que, dun tempo para acó se ve dramáticamente lastrada pola súa falta de seriedade. Fronte a estas dúas prácticas, a académica e a xornalística, exploraremos a alternativa prometedora dunha crítica máis profunda, ambiciosa teóricamente, e independente, exercida por profesionais alleos aos medios tradicionais, a través de blogs persoais, que propoñen unha maneira distinta de ler literatura e valorala.

Este obradoiro pretende proporcionar un marco teórico que poida servir de axuda a aqueles que queiran entender como lectores o procedemento crítico e valoralo, así como entender as relacións entre crítica, ideoloxía, manipulación e política.

Tamén o obradoiro pode servir como introdución á investigación, no eido literario ou noutros, e a todos aqueles que queiran emprender algunha actividade crítica, no seo da Academia, ou de maneira independente.

A información completa do obradoiro de crítica pode descargarse a través de este enlace: ObradoiroCritica.pdf

Descargar ficha de inscrición: Ficha_inscrición