BOB MARLEY PARA BEBÉS é a segunda parte da triloxía que La Petita Malumaluga iniciou co éxito internacional "Bitels para bebés" (concerto tributo a The Beatles). Música, danza, participación, tecnoloxía, reflexión e novas linguaxes escénicas para o público máis esixente: a primeira infancia e as súas familias.

Catro bailarinas que cantan, ou catro cantantes que bailan, e unha violonchelista que interpretan sofisticados arranxos vocais dos grandes temas de Bob Marley, unha das principais iconas culturais afro-americanas do século XX. Unha explosión de enerxía cantada e bailada, onde o público, situado no interior dunha escenografía inmersiva a 360 graos, é o protagonista en todo momento.

Nesta ocasión, La Petita Malumaluga propón crear pontes entre as reivindicacións panafricanistas e de igualdade de Marley, e as causas feministas en varias etapas da vida da muller e en diferentes rexións do mundo.

https://vimeo.com/582985572

Intérpretes: Daniela Fumadó, Ona Pla, Elsa Meneses, Sara Sambola e M. Rosa Ponsa

Autoría, dirección e dramaturxia: Albert Vilà e Eva Vilamitjana

Dirección musical: Albert Vilà

Dirección vocal: Tanja Schilinski

Coreografía: Eva Vilamitjana

Vestiario: AiCarmela.

**Espectáculo con aforo reducido

VENDA DE BILLETES

• Venda online: www.ataquilla.com

• Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.

• Despacho de billetes do Ágora: desde unha hora antes do comezo do espectáculo (sempre que queden entradas dispoñibles)