Durante a celebración deste campamento descubriremos infinidade de sons e bailes dos distintos pobos que ao longo de todo o planeta crean e desfrutan a través das súas manifestacións culturais.

Coñeceremos os distintos estilos, así como os instrumentos cos que as interpretan. A súa historia e como se foron transmitindo de época en época até chegar ós nosos días. Desfrutaremos tamén das nosas melodías e danzas, que son o legado que imos deixar ás futuras xeracións.

E por suposto, descubriremos algunha que outra sorpresa relacionada co mundo da música que nos aportará posibilidades para desenvolver a nosa creatividade.

Sempre fomentando os valores cívicos e de compañeirismo, selo dos nosos campamentos.