Horas de agarda e quilómetros de procura para facer chegar ao seu destino centos de mensaxes que navegaron encerradas no cristal brillante dalgunha botella. Unha mensaxe tróuxolle xusto a este lugar, no que espera atoparse con alguén que guindou unha mensaxe ao mar esperando que chegase de volta. Esa persoa non aparecerá, pero algo especial ten este lugar, algo familiar, algo tan estraño para ela como a calor dun fogar. E lerá unha nova mensaxe. Este escrito polo mar, ese vello sabio, testemuña das súas fazañas e consciente das súas ausencias. É o mar o que guiou os seus pasos ata alí, é nese lugar, onde as ás de Bowa atoparán terra para ancorar as súas raíces. O espectáculo transita por diferentes estados emocionais do personaxe, que se apoian nunha linguaxe circense multidisciplinar: Efectos de maxia, que xorden dunha forma accidental, reforzando a peculiaridade dese espazo. Desenvolvemento dunha investigación sobre as botellas: manipulación, equilibrios e desmitificación do obxecto, facéndoo personaxe, escenografía, ou mero elemento de apoio. Acrobacia aérea, de carga técnica, pero desenvolvida de forma orgánica e coherente e, por suposto, humor e poesía como elementos transversais.

Compañía: A Gata Xaponesa

Autora e intérprete: Elena Vives Espello-Saavedra

Dirección: Lucas Escobedo

• Premio en Panorama Circada 2020
• Premio Festival Territorio Violeta Premio Festival Cucha de Outono de Úbeda
• Premio Kandengue Arts
• Premio Fetén 2021 Mellor Intérprete Circense Premio do Público no Festival Mulleres con Narices 20213
• Premios do Xurado en Panorama Circada 2020
• Candidata aos PREMIOS MAX 2021 a Mellor Espectáculo Infantil, Xuvenil ou Familiar

VENDA DE LOCALIDADES

• Venda en liña: www.ataquilla.com
• Despacho de billetes Central Praza de Ourense: de luns a xoves de 10.00 h a 14.00 h e de 15.00 h a 18.00 h / venres de 10.00 h a 15.00 h.
• Despacho de billetes Centro Ágora: desde unha hora antes do inicio do espectáculo (sempre que queden localidades dispoñibles).