Cervantina é unha nova aproximación de Ron Lalá ao universo creativo do maior autor das nosas letras. Textos diversos, versos, versións e diversións arredor dun dos xenios indiscutibles da literatuta universal.

Unha festa de pezas breves que reúne sobre o escenario as adaptacións "ronlaleiras" dalgunhas novelas exemplares e entremeses, ademais de fragmentos de pezas menos coñecidas como El Persiles, La Galatea, El Viaje del Parnaso. Unha homenaxe e un encontro coa arte lúdica, hilarante e profundamente humano do autor do Quixote... entre outras obras mestras que urxe redescubrir.

Unha celebración do mellor Cervantes, eterno e próximo, con sabor ao inconfundible selo de Ron Lalá.

Despois do rotundo éxito internacional de En un lugar del Quijote, a compañía dá un paso máis na súa exploración do mundo literario cervantino a través das ferramentas da súa linguaxe escénica: o humor, a poesía, o mundo desenfreado, a música en directo...

Un diálogo aberto e sen complexos para lles contaxiar aos espectadores a risa intelixente, sensible e fonda de Miguel de Cervantes.

Con Juan Cañas, Miguel Magdalena, Álvaro Tato, Daniel Rovalher, Íñigo Echevarría.

Dirección: Yayo Cáceres

Ron Lalá en coprodución coa Compañía Nacional de Teatro Clásico.

Venda de entradas:

Despacho Central, praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Televenda: 902 044 226 e Internet