Regresa El Florido Pensil! Pero...NIÑAS

Si, outra vez El Florido Pensil porque volvemos á mesma escola; aquela cuxas aulas estaban presididas pola Santísima Trindade do Crucifixo, a foto do Caudillo e a de José Antonio. Pero, esta vez imos entrar pola porta que tiña gravado no dintel un cartel que rezaba "NIÑAS".

Eran dous mundos paralelos tan próximos como distantes, dous universos encerrados no mesmo edificio con dous propósitos (des)educativos moi diferentes...

É a historia do día a día de cinco raparigas sometidas á absurda e ilóxica brutalidade do sistema educativo que dominou a España da posguerra. A escola é o reflexo da sociedade e da súa ideoloxía dominante. E esa ideoloxía decidira poñer ao día o máis profundo patriarcado medieval, e levalo ás súas últimas consecuencias. A muller foi o principal obxecto da empresa moralizadora, pois resulta que a muller estaba naturalmente destinada para o matrimonio e para os labores domésticos. A súa carreira profesional viña ser formar unha familia e ter prole. E niso poñíanse de acordo practicamente todas e todos: a mestra, o cura, os pais, os moralistas, as cupletistas, as escritoras de novelas rosa, e ata as profesoras de ximnasia... En todos os escenarios da acción se verá reflectida, ás veces ás claras e ás veces mediante retortos rodeos, que só existían dous tipos de mulleres: as decentes e as outras...

Con Loli Astoreka, Gurutze Beitia, Teresa Calo, Elena Irureta, Itziar Lazkano.

Dirección escénica: Fernando Bernués e Mireia Gabilondo.

Compañía: Tanttaka Teatroa

Venda de entradas

Despacho Central, praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Televenda: 902 044 226 e Internet