CANCELACIÓN DE EVENTOS DAS FESTAS DE MARÍA PITA E O FESTIVAL NOROESTE ESTRELLA GALICIA Tras contactar directamente coa Consellería de Sanidade e estudar as medidas de restrición que acaban de anunciar desde a Xunta, o concello fai un novo chamamento á veciñanza para entre todas/os realizarmos un esforzo co fin de determos a evolución da pandemia na nosa comarca Apoiamos a decisión da Xunta e entendémola, por iso nos vemos na obriga de termos que suspender todos os espectáculos incluídos dentro das Festas de María Pita e do 34 Festival Noroeste Estrella Galicia. Sentímolo moito polo público e a comunidade de creadoras/es que tiñan tanta ilusión en compartiren a súa impronta mais garantirmos a seguridade das e dos coruñeses é a nosa prioridade, polo que vemos necesario cancelarmos estes eventos. A saúde é o principal.