Coa participación do Quinteto Cimarrón e a Orquestra Gaos, é un traballo con tres vertentes ben marcadas: a sinfónica, a jazzística e a tradicional. Na vertente sinfónica destacamos o traballo de interacción entre o Quinteto Cimarrón e a Orquestra Gaos, as cores logradas nos matices, os golpes de arco utilizados que debuxan efectos variados para lograr transmitir diferentes estados de ánimo, todo isto grazas a unha técnica moi depurada debido ao estudo sistemático de todos os integrantes deste proxecto, no que se manifiesta a calidade do ensino clásico en Galicia e Cuba. O punto jazzístico pono o Quinteto Cimarrón que ten grande experiencia neste tipo de música, na que a improvisación é un elemento primordial desde o coñecemento harmónico das pezas e o uso da técnica como un elemento enriquecedor. A parte tradicional atopámola nos diferentes estilos que escoitaremos deste traballo Cubalicia, destacando a peza Muiñeira-Habanera de Blanco Amor, na que, musicalmente é unha muiñeira mesturada cunha habaneira, dous estilos de pezas tradicionais de Galicia e Cuba, cantada por Irene Cerqueiro con letra adaptada dun poema titulado Muiñeira de Eduardo Blanco Amor. Este traballo está feito en Galicia e ten o propósito de dar a coñecer a calidade dos músicos formados polo sistema da educación dos conservatorios de Galicia, grazas á participación da Orquestra Gaos, integrada na súa totalidade por músicos/as galegos/as.

VENDA DE ENTRADAS

• Venda en liña: Ataquilla.com
• Venda no despacho de billetes central da praza de Ourense: de luns a venres (excepto festivos) de 11.00 a 15.00 e de 16.30 a 19.30 h
• Venda no despacho de billetes do Ágora: unicamente días de función desde unha hora antes do inicio.