O obxectivo do programa Libros Viventes é compartir historias de vida, coñecementos e intereses co alumnado dos centros de secundaria da nosa contorna, a partir dos cales reforzar o traballo en valores e o desenvolvemento persoal da mocidade dentro e fóra das aulas. Deste xeito, preséntanse como un método innovador para promover o diálogo, reducir prexuízos, fomentar o entendemento entre as persoas e promover o intercambio de historias que, noutras circunstancias, non se podería ter compartido.

Nesta ocasión, e con motivo de celebrar o 10º Aniversario da Biblioteca Municipal Ágora, recuperamos doce libros viventes que pasaron pola biblioteca nesta década de traballo coa autoestima, o respecto e a cohesión social. Unha nova oportunidade para festexar o diálogo sumando cultura no barrio.

• Berta Capdevila. Coach de familitas reconstituídas
• Carlos Ocampo. Terapeuta humanista, exguerrilleiro do EPL (Exército Popular de Liberación)
• María José Ramos "MJ". Activista LGTBIQ+
• Noelle García Salazar. Psicóloga, coach e migrante
• Piero Piga. Masaxista e terapeuta ayurvédico
• Xosé Duncan. Editor, escritor e fotógrafo
• Samuel Solleiro. Escritor, tradutor e músico
• Álvaro Benavides. Antropólogo
• Cristina Ramallo Machín. Avogada penalista e vicepresidenta de Amnistía Internacional Galicia
• Ana Cabaleiro. Escritora e xornalista
• Luis Suárez. Adestrador de boxeo
• Sifu Juan Saldeño. Mestre de adestradores de Wing Chun Kung Fu