JUAN CARLOS MESTRE

O poeta e artista gráfico Juan Carlos Mestre naceu en 1957 en Vilafranca do Bierzo. Residiu en Chile e tamén en Italia, como bolseiro da Academia de España en Roma.

É autor dun bo número de libros de poesía e ensaio, entre os que cabería salientar Antífona del Otoño en el Valle del Bierzo (1985), La poesía ha caído en desgracia (1992) ou La tumba de Keats (1999), polos que recibiu o Premio Adonais, o Jaime Gil de Biedma e o Premio Jaén de Poesía respectivamente. A súa obra poética foi recollida en varias antoloxías como Las estrellas para quien las trabaja (2007) ou Historia Natural de la Felicidad (2014). Co seu celebrado libro La casa roja (2008), obtivo o Premio Nacional de Poesía 2009. De máis recente aparición é La bicicleta del panadero (E2012) polo que recibiu o Premio da Crítica Española.

Canto ao ámbito das artes plásticas, Mestre expuxo a súa obra en galerías de España, EE.UU., Europa e Latinoamérica. E ademais de editar libros de artista, realizou gravacións discográficas a canda músicos como Amancio Prada, José Zárate ou Pedro Sarmiento.

MIGUEL MATO FONDO

Miguel Mato Fondo naceu en 1953 en Ponteceso, e na súa mocidade trasladouse á A Coruña. É aquí, durante a etapa universitaria, onde se produce a súa entrada no mundo das letras e da axitación cultural. Logo de publicar os seus primeiros poemas na revista “Alén” a finais dos anos setenta, fixo parte do xa mítico colectivo poético que se deu a coñecer na década seguinte a través de varias antoloxías tituladas De amor e desamor.

Orientando a súa vida profesional cara á docencia, como profesor de Lingua e Literatura galega, a súa colaboración e compromiso cultural e literario acompañárono sempre. No entanto, o seu primeiro poemario individual non vai ver a luz até 2005, grazas ao Premio Fiz Vergara Vilariño: O whiskey na barrica; a el seguirá Terra Fría no pasado ano.

Alén diso, cultivou outros xéneros, maiormente traballos críticos e edicións literarias. É o caso de A mazá e a cinza (1976), A escrita da terra (Premio Espiral Maior de Ensaio, 1998), Señardade da luz (A obra poética de Manuel María) (2011) ou Transgresión e fraxilidade