Catro pezas. Catro compositores.
Para público en xeral
18/07/2020
Xa rematou
20:30 h
RECOLLIDA DE INVITACIÓNS NA FUNDACIÓN LUIS SEOANE
981 21 60 15
Aforo reducido
Dúas grandes figuras da música das últimas décadas e dúas novas promesas da composición actual. Neste concerto que referencia a unha das pezas máis célebres de Luigi Nono ("...sofferte onde serene..."), o grupo Vertixe Sonora preséntanos unha paisaxe sonora que toma por centro un piano.
A compositora Elena Rikova (*1991) na súa peza "Bat Jamming" (2015) móstranos un piano aberto: un piano como obxecto, como caixa de resonancia, como lugar onde un son pode transformarse noutro; pode convocar ecos ou artellar palabras, un gran tímpano ou un útero onde a linguaxe e a música mergúllanse ata alcanzar o seu inicio único, incomprensible e indescifrable.
Configuran, ademais, este programa obras de Kaija Saariaho (*1952), Toshio Hosokawa (*1976) e Víctor Ibarra (*1978) nun concerto onde a escoita é o principal, onde o traballo sonoro propón preguntas sobre a súa propia natureza, e como diría Rilke: "A resonancia, como un oído máis profundo, escóitanos a nós".
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible