Bailar en hombre é un espectáculo que trata sobre a evolución dos códigos de xénero e sexualidade dentro do flamenco ao longo do século pasado.

A peza ten como fío condutor o percorrido de diferentes versións da Farruca, un xénero dancístico flamenco creado a principios do século XX e que se converteu, co transcurso dos anos, en emblema da masculinidade e do chamado "baile de home".

As relacións entre home e muller e as diferentes manifestacións de masculinidade e feminidade son algunhas das cuestións que, de maneira artística e pedagóxica, son tratadas neste espectáculo para ofrecer unha visión panorámica sobre as súas variacións antes, e despois do franquismo.

Intérpretes: Irene Hernández Díaz, Fernando López

Dirección: Elia Rodiere

Venda de entradas

Despacho de billetes central, Praza de Ourense: de luns a venres de 9.30 a 13 e de 16.30 a 19.30 h

Despacho de billetes do teatro: só abre os días de función de 16 a 20 h

Televenda: 902 044 226