O presente concerto didáctico é unha magnífica maneira de coñecer unha banda de música e os instrumentos que a compoñen á vez que unha lúdica experiencia auditiva.

A coidada selección de obras pertence, fóra da abertura, ao repertorio propio deste instrumento chamado Banda tan arraigado na cultura popular galega.

Máis aló dun concerto propiamente, é unha clase organolóxica sobre os instrumentos que compoñen unha banda.

O programa iníciase cunha abertura onde a música presenta un ambiente carnavalesco da man da abertura "Entroido" de A. Dvorak.

Tras esta obra, un conto musical de Derek Bourgeois presenta as diferentes familias instrumentais da Banda dentro dunha trama argumental. Unha música programática seducirá o oínte mediante o bíblico tema do Arca de Noé que inspirou unha composición homónima ao talentoso compositor Óscar Navarro.

Da "Suite Bestiarium" escoitaremos tres movementos inspirados en tres singulares animais que concluirá esta coidada selección de obras que se narrarán e que presentará a narradora e escritora infantil Paula Carballeira para estimular unha escoita significativa.