O "XI FESTIVAL GALEGO DE CABARÉ" REGRESA Á CORUÑA TRAS O SEU APRAZAMENTO ADAPTÁNDOSE Á NOVA REALIDADE CON OPTIMISMO E HUMOR!

Dende o seu aprazamento, con motivo da crise do coronavirus dende finais de marzo, cando estaba programado, o Festival Galego de Cabaré foise adaptando á nova realidade para ofrecer unha nova e emocionante edición que terá lugar os días 2, 3 e 4 de outubro, venres, sábado e domingo respectivamente co emblemático Teatro Colón da Coruña como epicentro absoluto dunha mostra única en toda a península arredor deste xénero que mestura comedia, danza, maxia, circo ou teatro envoltos nun fío conductor de picardía, elegancia, sensualidade, provocación... e máscaras. Desta vez moitas máscaras!

O Festival Galego de Cabaré, mostra única destas características que se realiza en toda a Península Ibérica, volve ás súas andanzas á Coruña, cidade que o víu medrar e expandirse, dende que en 2006 comezara as súa actividade. Volve pola porta grande, en formato de gran teatro, con espectáculos únicos e irrepetibles nos que abarcará xéneros como cabaré, o burlesque e o swing, e con propostas de carácter internacional e a presenza de artistas de todo o globo. Durante 3 días, dende o venres 2 ao domingo 4 de outubro de 2020, e sempre que a situación sanitaria o permita, o emblemático Teatro Colón será escenario de espectáculos nos que a música, a danza, a pintura ao vivo, as acrobacias aéreas, os números picantes ou os monólogos serán impregnadas dese característico arrecendo a neftalina, nostalxia, sensualidade e provocación. Serán tres grandes espectáculos no Teatro Colón, abrazando diferentes temáticas, xéneros e contidos:

VENRES 2 DE OUTUBRO 21.00 h CABARESQUE EL BURLESCO MALANDRÍN + SRTA. SILLER O primeiro dos espectáculo estará dedicado ao burlesque, e baixo o título CABARESQUE terá lugar dentro da caixa, dándolle a volta ao concepto, empregando o escenario como patio de butacas e a platea como telón de fondo e recreando un auténtico cabaré. Será a cargo dos artistas El Burlesco Malandrín (Palencia) e a artista de burlesque Srta. Siller (Granada), referentes a nivel estatal do novo cabaré e burlesque.

DOMINGO 4 DE OUTUBRO 20.00 h GALA FEMME FATALE NELSON QUINTEIRO CABARET & Artistas convidados O broche de ouro deste festival terá lugar o domingo ás 20.00 h cunha gran gala final APTA PARA TODOS OS PÚBLICOS que recupera o espíritu das primeiras edicións do festival. Será a GALA FEMME FATALE a cargo da Compañía NELSON QUINTEIRO CABARET con colaboradores especiais. Monólogos con Iria Pinheiro, performance con Yolanda Paz, música en directo e cabaré con Nelson Quinteiro e o acordeonista Álvaro Cardalda, acrobacias aéreas con Manu Albariñas, pintura ao vivo con Marta Quinteiro, números especiais de danza con Iván Villar (Entrecaixas, Nova Galega de Danza), ademais de cabaré, cordeografías con cadeiras e moita actitude a cargo do corpo de baile formado polas/os artistas Yohel Santos, María Cordeiro, Laura Casás, Iván Davila e Nelson Quinteiro, contando coa actriz Adela Bértolo (Vai de Troula, TVG) como mestra de cerimonias.

CAPACIDADES LIMITADAS. MÁSCARA OBRIGATORIA E MEDIDAS ANTI-COVID 19. A CULTURA É SEGURA!!! Agardámosvos!!! Dende o día 1 de setembro iremos actualizando toda a información, dossieres, imaxes, contidos, fichas dos espectáculos e poranse á venda as localidades para os espectáculos.

Poderedes consultar todo nas seguintes ligazóns: https://www.coruna.gal / http://www.teatrocolon.es/es/en-escena / https://www.facebook.com / festivalgalegodecabaret www.nelsonquinteiro.com

VENDA DE LOCALIDADES:

https://corunacultura.sacatuentrada.es/es/entradas/xi-festival-galego-de-cabare-cabaresque https://corunacultura.sacatuentrada.es/es/entradas/xi-festival-galego-de-cabare-paseando-el-swing https://corunacultura.sacatuentrada.es/es/productos/descripcion/xi-festival-galego-de-cabare-gala-femme-fatale