Concello da Coruña

Concello da Coruña

Deportes

Área de Fomento e Promoción da cidade

Convocatoria de Renovación - EDM 2025-26

ANUNCIO

Todas as publicacións relativas a este proceso faranse polos seguintes medios:

  • Na páxina web municipal  www.coruna.gal/deportes.
  • Nos taboleiros de anuncios das instalacións deportivas municipais.

Así mesmo, poderase obter información no teléfono gratuíto de atención á cidadanía 010.

Pode consultar as bases desta convocatoria no documento adxunto no pé da páxina ou na seguinte ligazón: 

13-06-2025_SORTEO - Grupos excepcións/agás

Para as solicitudes de cambio de grupo por idade para o curso 2025-26, naqueles casos con máis demanda que prazas dispoñibles, faise necesario establecer unha orde que virá determinada polo resultado do sorteo:

  • Letra inicial do 1.º apelido: Y
  • Letra inicial do 2.º apelido: Q

Pódese comprobar oresultado do sorteo a través da seguinte ligazón: SORTEO

O martes 17 de xuño publicarase a listaxe do grupo adxudicado a cada solicitante.

A formalización da matrícula poderase realizar do 19 ao 25 de xuño.

12-06-2025_LISTADO SOLICITUDES CAMBIOS DE GRUPO POR EDAD - Grupos excepcións/agás

De acordo co punto 3.4 das bases da convocatoria, prócedese á publicación das listaxes das solicitudes para os cambios de grupo por idade:

O venres 13 de xuño, ás 09:00h., celebrarase o sorteo para establecer a orde de adxudicación das prazas. 

Poderase seguir o sorteo en directo a través da seguinte ligazón: SORTEO

RENOVACIÓN EDM 2025-26 (Extracto das Bases)

Terán dereito a renovar nas EDM todas as persoas que figuran inscritas como alumnado no curso 2024-2025, sempre que a actividade teña continuidade no curso 2025-2026 e cando a persoa cumpra cos requisitos de idade, asistencia e condición física necesarias para realizar a mesma, tanto no caso das actividades xestionadas directamente polo SMD do Concello da Coruña así como polas concesionarias do Complexo Deportivo de San Diego e do Club do Mar de San Amaro.

A renovación realizarase na actividade, no grupo e horario no que se estea inscrito/a no curso 2024-25, salvo aquelas persoas que deban cambiar de grupo por idade e sen prexuízo dos reaxustes de horarios que poida efectuar o SMD.

O SMD poderá cambiar a denominación dos grupos co fin de ordenar a oferta das EDM. Neste caso, cada persoa quedará adscrita a un grupo equivalente ao que estaba matriculada.

Considerarase a idade referida e cumprida á data 31 de decembro de 2025.

DATAS, LUGAR E HORARIOS PARA AS RENOVACIÓNS

Listaxe Renovación EDM 2025-26:

  • O SMD publicará na páxina web municipal www.coruna.gal/deportes  e nos taboleiros de anuncios dos centros deportivos a listaxe do alumnado que poderá renovar. Tamén poderá consultarse no teléfono de atención á cidadanía 010.
  • Para renovar as actividades impartidas en San Diego e San Amaro, as listaxes das persoas con dereito a renovación serán publicadas polas empresas concesionarias dos devanditos centros.

Na seguinte ligazón pode consultar o alumnado que: ten dereito a renovar, o que cambia de idade, o que non ten continuidade nas EDM ou aqueles casos aos que non corresponde renovación:

Presentación de alegacións a listaxe: 12 e 13 de maio de 2025, as alegacións poderanse realizar por medios electrónicos nos rexistros de entrada do Concello da Coruña ou presencialmente na oficina situada na instalación deportiva da C.D. Riazor preferentemente solicitando cita previa no teléfono de información gratuíta 010 ou na seguinte ligazón: https://citaprevia.coruna.gal/.

Matrículas: en xeral do 14 de maio ao 2 de xuño de 2025, ambos incluídos

Habilitaranse dúas canles para as renovacións:

O acceso efectuarase de xeito identificado. No caso de menores, será o pai/nai ou titor/a quen actúe como operador e tramite a matrícula.

Lugar

Datas

Horario

En Liña

Matrículas ordinarias

14 de maio a 2 de xuño

Ininterrompido, as 24 horas do día

Cambios de idade*

19 a 25 de xuño

  • Presencial: Nos rexistros dependentes da Concellaría de Deportes:

Oficina

Datas (de luns a venres, excluídos os festivos)

Horario

C.D. Riazor

Matrículas ordinarias

14 de maio a 2 de xuño

08:15-14:00

Cambios de idade*

19 a 25 de xuño

08:15-13:30

Cambios de horario**

1 a 4 de xullo

08:15-13:30

C.D. Torre

Matrículas ordinarias

22, 23 e 26 de maio

08:15-14:00

Pº Barrio das Flores

Matrículas ordinarias

28, 29 e 30 de maio

08:15-14:00

      Para EDM que  se realicen nas instalacións:

  • Complexo Deportivo Municipal de San Diego: de luns a venres de 08:00 - 22:00h nas oficinas propias.
  • Piscina Municipal de San Amaro: de luns a venres de 09:30 - 19:30h. nas oficinas propias.

CAMBIO DE GRUPO POR IDADE

A) Cambios de grupo por idade de matriculación directa:

Inclúense neste caso aqueles cambios nos que non hai problemas de praza na seguinte franxa de idade.

  • Matrícula: do 19 ao 25 de xuño

B) Cambios de grupo por idade EXCEPCIÓNS/AGÁS:

AGÁS  menores de idade (6-17 anos): que non dispoñen en primeira instancia de prazas ou teñen varias opcións de horario.

Estes cambios autorizaranse nos supostos en que sexa posible por razón de ratio, nivel, dispoñibilidade de praza, etc. (art. 21.8 normativa de uso das instalacións deportivas, EDM e outras actividades). Os grupos afectados son os seguintes:

Cambio de 6-8 anos a 9-11 anos:

  • Alumnado de Natación de 6 a 8 anos, con cambio a Natación de 9 a 11 anos na Piscina Municipal de Riazor (de frecuencia 1 día e 2 días/semana).
  • Alumnado de Minitenis de 6 a 8 anos na C.D. Torre, con cambio a Tenis de 9 a 11 anos na Cidade Deportiva de Riazor, C.D. Torre e Pº Novo Mesoiro.
  • Alumnado de Patinaxe de 6 a 8 anos da Pº Nº1 de Riazor, con cambio a Patinaxe de 9 a 11 anos.

Cambio de 9-11 anos a 12-17 anos:

  • Alumnado de Bádminton 9-11 anos C.D. Riazor con cambio a Bádminton 12-17 anos C.D. Riazor.
  • Alumnado de Boxeo de 9 a 11 anos da C.D. Riazor con cambio a Boxeo de 12 a 17 anos na C.D. Riazor.
  • Alumnado de Natación de 9 a 11 anos, con cambio a Natación de 12 a 17 anos na Piscina Municipal de Riazor (de frecuencia 1 día e 2 días/semana).
  • Alumnado de Tenis de 9 a 11 anos de C.D. Riazor con cambio a Tenis de 12 a 17 anos na C.D. Riazor.
  • Alumnado de Tenis de 9 a 11 anos da Pº Novo Mesoiro con cambio a Tenis de 12 a 17 anos no Pº Novo Mesoiro.
  • Alumnado de Patinaxe de 9-11 anos da Pº Nº1 de Riazor que pasa a Patinaxe de 12-17 anos.

O alumnado destes grupos deberá realizar o seguinte procedemento intermedio:

  • Solicitude de preferencia de horario: do 14 de maio ao 2 de xuño de 2025, a través dun formulario en liña cuxo enlace será enviado por correo electrónico ás familias do alumnado afectado.
  • Publicación da listaxe de solicitudes: 12 de xuño
  • Sorteo: o 13 de xuño. O sorteo celebrarase no caso de rexistrarse máis solicitudes que prazas dispoñibles.
  • Publicación da listaxe de adxudicación de prazas: 17 de xuño
  • Matrícula: do 19 ao 25 de xuño (conxuntamente cos cambios de grupo directos)

B.2) AGÁS +18 anos:

Alumnado das EDM DE ADULTOS +18 que voluntariamente ou que por razón do seu nivel físico desexen cambiar a EDM DE ADULTOS +65.

Estes cambios autorizaranse nos supostos en que sexa posible por razón de ratio, nivel, dispoñibilidade de praza, etc. (art. 21.8 normativa de uso das instalacións deportivas, EDM e outras actividades).

O alumnado que voluntariamente desexe cambiar a un grupo de +65 anos deberá realizar o seguinte procedemento intermedio:

  • Solicitude de horario, do 14 de maio ao 2 de xuño de 2025, na oficina de coordinación das EDM en horario de 08:00-14:00h. de luns a venres, cubrindo o formulario de solicitude.
  • Publicación da listaxe de solicitudes: 12 de xuño
  • Sorteo: o 13 de xuño. O sorteo celebrarase no caso de rexistrarse máis solicitudes que prazas dispoñibles.
  • Publicación da listaxe de adxudicación de prazas: 17 de xuño
  • Matrícula: do 19 ao 25 de xuño (conxuntamente cos demais cambios de idade)

CAMBIO DE HORARIO

Só se admitirán solicitudes de cambio de horario por motivos de conciliación ou causas de forza maior e atenderanse no caso de que houbese praza.

O alumnado que solicite cambio de horario terá que ter previamente formalizada a matrícula na súa praza de orixe no período de renovación do 14 de maio ao 2 de xuño.

Non se permiten cambios de modalidade deportiva, nin entre as instalacións de San Diego ou San Amaro entre si ou co resto de instalacións.

  • Solicitude de horario, do 16 ao 18 de Xuño de 2025, poderanse realizar por medios electrónicos no rexistro de entrada do Concello da Coruña ou presencialmente no rexistro situado na C.D. Riazor, preferentemente solicitando cita previa no teléfono de información gratuíta 010 ou na seguinte ligazón: https://citaprevia.coruna.gal/.
  • Publicación da listaxe de solicitudes: 20 de xuño de 2025
  • Sorteo: 26 de xuño de 2025. O sorteo celebrarase no caso de rexistrarse máis solicitudes que prazas dispoñibles.
  • Publicación da listaxe de adxudicación de prazas: 30 de xuño de 2025
  • Matrícula: do 1 ao 4 de xullo de 2025 (conxuntamente cos demais cambios de idade)

PAGO DA TAXA CORRESPONDENTE

Para que a renovación sexa efectiva o alumnado deberá pagar a taxa correspondente de acordo co previsto na Ordenanza Fiscal número 15 do Concello da Coruña en vigor. O seu pago poderase efectuar tanto en efectivo como mediante tarxeta. 

Segundo o artigo 8 da dita ordenanza "Esixirase o depósito previo das taxas correspondentes a ESCOLAS DEPORTIVAS MUNICIPAIS no momento de efectuarse a matriculación. Iniciada a prestación do servizo, a cantidade ingresada en concepto de depósito aplicarase ao importe definitivo da taxa, polo que procederá a súa devolución se o/a alumno/a solicita a baixa na actividade con antelación ao comezo do curso..."

A ordenanza contempla tarifas reducidas por rendemento económico ou IPREM, para o cal deberán achegar a documentación preceptiva con carácter previo á renovación nos rexistros do SMD.

RENUNCIA Á PRAZA

As persoas que, rematado o prazo de renovación que corresponda, non fixesen o pagamento da taxa correspondente entenderase que renuncian á praza na que podían renovar. Dita praza pasará á convocatoria libre e ofertarase para o curso 2025-26. 

En todo caso, unha persoa que renunciou ou que non renovou unha praza por calquera circunstancia sempre vai poder optar a convocatoria libre por esa ou por outra que saia ofertada.

LIMITACIÓN NO NÚMERO DE ACTIVIDADES POR PERSOA

Para o curso 2025-2026 como norma xeral, establécese a limitación de ocupar como máximo dúas prazas das EDM no mesmo curso, exceptuando:

  • As actividades de recuperación funcional e natación prenatal, de forma temporal.

Esta limitación establécese considerando conxuntamente as instalacións deportivas municipais de xestión directa así como os complexos deportivos de San Diego e San Amaro.

Pode descargar o cadro resumo dos prazos desta convocatoria na seguinte ligazón:

Taxas EDM Vixentes

Información sobre as taxas municipais aplicadas ás Escolas Deportivas Municipais

TAXAS EDM VIXENTES 

*Consultar taxas reducidas para rendemento económico ou IPREM. 

Máis información na  Ordenanza fiscal nº 15, reguladora da taxa pola prestación dos servizos nas instalacións Deportivas Municipais.

ESCOLAS DEPORTIVAS MUNICIPAIS
Menores de 18 anos Actividades en auga e seco 1 día - 18,81 €
2 días - 37,60 €
3 días - 55,93€
Recuperación Funcional 2 días - 69,93 €
3 días - 84,78 €
Entre 18 e 64 anos Actividades en auga e seco 1 día - +18 anos - 28,41 €
2 días -  +18 anos - 56.83 €
3 días - +18 anos - 84,79 €
Recuperación Funcional 2 días - +18 anos - 97,92 €
3 días - +18 años - 124,92 €
Maiores de +65 anos Actividades en auga e seco 1 día - +65 anos - 5,25 €
2 días -  +65 anos - 10,49 €
3 días - +65 anos - 16,62 €
Recuperación Funcional 2 días - +65 anos - 59,31 €
3 días - +65 anos - 74,16 €

Documentos relacionados

  • Bases da convocatoria de renovacións - EDM Curso 2025-26 (493 KB)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión