A marcha nórdica é unha actividade física sinxela e apta para todas as persoas, que consiste en camiñar con dous bastóns empregando unha técnica específica, de modo que se exercitan as pernas e tamén toda a musculatura do tronco e as extremidades superiores.

Camiñar é unha das actividades físicas máis recomendadas para manter unha vida sa e activa, especialmente no caso das persoas maiores polos múltiples beneficios que supón a súa práctica, tanto a nivel físico como mental, ademais de ser unha actividade segura e pouco agresiva para o corpo.

É un deporte individual que se pode practicar en grupo e ao aire libre. Un deporte facilmente adaptable a todas as idades, sen importar a súa condición física para a súa iniciación.

Trátase de optimizar o esforzo físico realizado no movemento biomecánico do noso corpo ao andar. Mellora a saúde do corazón e a circulación en xeral, axuda a controlar o peso, mellora a resistencia a insulina etc.

A súa práctica regular leva beneficios fisiolóxicos e psicosociais e convértese nunha actividade óptima para manter a saúde.