Como bo 'late night', a gala de Coruña Corre, que se realiza este xoves a partir das 20.00 horas no Ágora, tamén dá o salto ás pantallas e poderá seguirse en directo.

O circuíto Coruña Corre pon o seu broche á tempada 2022 e dá a benvida a 2023 cun show nocturno que conducirá o animador das carreiras populares da cidade herculina, Xalo Maira.

A alcaldesa da Coruña, Inés Rey, presidirá a gala, que será retransmitida por Internet para que todas as persoas que o desexen poidan seguila en directo desde os seus dispositivos (ordenadores, tabletas, teléfonos...).

Sete foron as probas do circuíto en 2022 e neste 'late night' entregaranse os premios da tempada que concluíu o mes pasado.

Coruña Corre recuperou cifras de participación anteriores á pandemia con 7.969 persoas que remataron as carreiras e 12.124 persoas inscritas no acumulado anual, o mellor dato dos últimos sete anos.

• Streaming: Coruña Corre Late Night Show