Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir á túa axenda
  • Engadir ao meu móbil | 
  • Mostrar en el mapa
  • Imprimir

Concurso de Creatividade de Nadal 2020/21 - Concellaria de Deportes

A Concellaría de Deportes quere que os mais pequenos sexan os protagonistas do noso “Nadal deportivo e creativo” . Para iso convoca aos alumnos e alumnas das Escolas Deportivas Municipais a participar nun concurso de debuxo e creatividade.

A quen vai dirixido?:

Alumnado das escolas deportivas municipais (E.D.M.)

Cando:

Dende o 20/11/2020 ata o 07/01/2021

Este evento xa rematou

Enderezo:

Palacio de los Deportes de Riazor. Parque Manuel Murguia s/n. 15011 A Coruña

Organiza:

Concellaria de Deportes

Servizo Municipal de Deportes

DEBUXO E ADORNO GAÑADORES DO CONCURSO "O DEPORTE E O NADAL"

Modalidade DEBUXO

Autora: Inés Vázquez Lamas

EDM: Aikido 6-8 anos

Modalidade ADORNO

Autoras: María Lousas Luaces e María A. Iglesias Cao

EDM: Natación mantemento e Pilates, respectivamente

MODALIDADES DO CONCURSO 

Bases do Concurso (Ou documento adxunto ao pé)

  • CONCURSO DE DEBUXO "O DEPORTE E O NADAL"

Participantes:  Poderán participar exclusivamente os alumnos e alumnas das Escolas Deportivas Municipais que teñan idades comprendidas entre os 6 e os 11 anos cumpridos a 31 de decembro de 2020. Polo Covid-19 este ano os debuxos faranse na casa.

O debuxo farase nunha cartolina de tamaño A4 por un solo lado.

Lugar de presentación: o debuxo de Nadal deberá presentarse nas seguintes instalacións deportivas municipais: CD da Torre, Barrio das Flores ou CD de Riazor.

Prazo: o prazo para presentar o debuxo remata o día 13 de decembro de 2020 ás 14:00 horas. 

Limitación: só se aceptará un debuxo por neno ou nena.

Forma de presentación: o debuxo deberá vir dentro dun sobre.  No interior do sobre deberase incluír o formulario para participar no concurso.

Inscrición: para participar deberase cubrir o Anexo I que se achega con esta convocatoria.

  • CONCURSO DE CREATIVIDADE: ADORNO DE NADAL CON MATERIAL RECICLADO

Participantes: Poderán participar as familias das Escolas Deportivas Municipais.

Neste caso é un concurso colectivo onde pode participar unha unidade familiar (un neno cos seus pais, unha avoa cos seus netos, etc.). O único requisito é que un dos participantes sexa un ou unha alumno/a das escolas.

Os participantes deberán elaborar un adorno de Nadal con material reciclado. Poderán melloralo con algún tipo de coloración ou brillantina. Non obstante, a esencia do adorno ten que ser material xa usado ao que lle temos que dar outro uso.

Lugar de presentación: o adorno de Nadal deberá presentarse nas seguintes instalacións deportivas municipais: CD da Torre, Barrio das Flores ou CD de Riazor.

Prazo: o prazo para presentar o adorno remata o día 13 de decembro de 2020 ás 14:00 horas. 

Limitación: só se aceptará un adorno por familia participante.

Forma de presentación: deberá vir dentro dunha caixa de cartón (a que poder ser tamén reciclada). A caixa debe presentarse pechada. No interior da caixa deberá incluírse tamén o formulario de inscrición no concurso.

Inscrición: para participar deberase cubrir o Anexo II que se achega con esta convocatoria.

EXPOSICIÓN

A  Concellaría de Deportes reservase a facultade de realizar unha exposición cos debuxos e adornos presentados. A exposición farase no Palacio Municipal dos Deportes de Riazor e poderase ampliar a outras instalacións municipais en función do volume de participantes.

A exposición realizarase ata o día 7 de xaneiro de 2021.

SELECCIÓN DOS GAÑADORES OU GAÑADORAS

Para a selección dos gañadores ou gañadoras constituirase un xurado composto por 5 persoas que forman parte da Concellaría de Deportes do Concello da Coruña.

Realizarase unha votación mediante un sobre pechado e elixirase un gañador ou gañadora por cada categoría.

A selección do gañador ou gañadora farase o día 16 de decembro de 2020, ás 14:00 horas no Palacio Municipal dos Deportes de Riazor.

REGALOS PARA OS GAÑADORES

O gañador ou gañadora de cada categoría chamarase por teléfono para que veña a recoller o seu regalo á concellaría de Deportes.

Os regalos entregaranse na semana do 21 de decembro de 2020

DEBUXOS E ADORNOS PREMIADOS

Os debuxos e adornos premiados quedarán en poder da Concellaría de Deportes do Concello da Coruña que se reserva o dereito de reproducir, utilizar e publicar por calquera medio.

O gañador ou gañadora non terá dereito a percibir ningún tipo de retribución económica polo seu debuxo ou adorno creado.

O debuxo gañador utilizarase como postal da Concellaría de Deportes para felicitar o Nadal.

DEBUXOS NON PREMIADOS

Se transcorridos 15 días dende o peche da exposición ao público, non se recollesen os debuxos ou adornos, entenderase que son doados a este Concello, o cal poderá dispoñer deles libremente.

ACEPTACIÓN DAS BASES

A participación no concurso supoñerá a aceptación destas bases na súa totalidade.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión