Concello da Coruña

Concello da Coruña

Deportes

Concellería de Deportes

O Concello comeza os traballos para dotar o barrio de Matogrande dun novo parque biosaudable e de calistenia

Aproveitarase o espazo antes ocupado por instalacións de gas na avenida de San Cristovo para gañar un novo espazo de lecer e deporte para a cidadanía

Cando:

22 de novembro de 2022

O Concello da Coruña, a través da súa Concellaría de Urbanismo, Vivenda, Infraestruturas e Mobilidade, comezou hoxe os traballos para a creación dun novo parque biosaudable e de calistenia no barrio de Matogrande. Esta nova zona de lecer e deporte estará situada na avenida de San Cristovo, nas zonas verdes onde anteriormente había unhas instalacións de gas, xa desmanteladas. 

Os traballos prolongaranse durante as dúas próximas semanas e terán un orzamento de case 50.000 euros. O obxectivo do Goberno de Inés Rey con esta actuación é dotar o barrio de Matogrande dunha nova área para o uso e gozo da cidadanía, aproveitando espazos públicos sen uso como este. 

O zona conta con 338 metros cadrados de superficie, que se dividirá en dous espazos: un que contará con dúas grandes estruturas de calistenia e outra con catro elementos biosaudables. Haberá, ademais, unha praza central de formigón. O novo parque estará arrodeado de vexetación, o que o fai desta localización un espazo idóneo para unha instalación destas características.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión