O Concello da Coruña, a través da Concellería de Educación e Memoria Histórica, trae á cidade a exposición "As pequenas cousas. De como os obxectos gardaron unha memoria perseguida", unha homenaxe ás vítimas da represión franquista.

A mostra, que se pode visitar no Fórum Metropolitano ata o 28 de novembro, componse de obxectos, documentos, cartas e fotografías. Un abano de arquivos e recordos recompilados polo proxecto Mapas da memoria durante 10 anos de investigación sobre as diferentes formas de violencia da posguerra.

A exposición pódese visitar de luns a venres, de 17.00 a 20.00 horas e os sábados de 11.00 a 13.00 horas.

Esta mostra foi posible grazas ao traballo do Museo do Pobo Galego, o proxecto Mapas de Memoria e o Centro Internacional de Estudos de Memoria e Dereitos Humanos (CIEMDH) da UNED.