Neste curso o Programa Madrugadores aposta polos almorzos ecolóxicos, os produtos de proximidade e a ampliación do servizo. Os almorzos serán equilibrados e adaptados ás necesidades dietéticas das e dos menores elaborados por un/ha dietista. Consistirán nun produto lácteo, unha peza de froita ou un zume natural e torradas, cereais ou similares. Os produtos serán ecolóxicos e de proximidade. Existen menús específicos para o alumnado que o necesite por causa de alerxias ou enfermidades.

O servizo préstase de 7:30 a 9:00 horas, con dúas modalidades: con almorzo, de 7:30 h a 8:45 h (almorzo de 7:45 e a 8:15 h), e sen almorzo: de 8:15 h a 8:45 h. O prezo do servizo de almorzo é de 1,90 €/día. O Concello subvenciona 0,81 € por cada servizo de almorzo, xa descontado do custo final para pagar polas familias.

Os centros educativos de titularidade pública que queiran participar neste programa deben aprobalo no Consello Escolar, ter instalacións idóneas de comedor e inscribir como mínimo un escolar na modalidade "fixo mensual con servizo de almorzo". Os centros solicitarán a súa inscrición enviando un correo a educacion@coruna.es.

O alumnado que queira participar ten que estar a cursar 2º ciclo de educación infantil ou educación primaria na data da solicitude nun centro público do concello e posuír autonomía persoal suficiente. Poden solicitar máis información para a inscrición nas oficinas da ANPA do colexio.

Máis información:

Servizo Municipal de Educación

Ana Botana Pérez

educacion@coruna.es

Tel.: 981 184 200 ext: 12041