Constará de dous tipos de actividades: Talleres para familias e Escola de pais.

Talleres para familias

Unha reunión onde se pretende involucrar as familias no labor educativo nos primeiros anos de vida. Para isto, faranse actividades prácticas cos nenos e nenas adecuadas a cada idade, fomentando a participación dos pais e nais: circuíto de psicomotricidade, contos, cancións, xogos de socialización de iguais, exercicios de separación, atención, concentración... Ademais, explicaránselles os obxectivos de cada unha delas e a importancia de realizar as devanditas actividades na casa para mellorar o seu desenvolvemento e mellorar a comunicación entre pais e fillos.

Escola de pais

Unha reunión para cada nivel de idade nas que tras unha breve exposición sobre desenvolvemento evolutivo, estilos educativos, adquisición de hábitos e intelixencia emocional resolveranse todas as dúbidas que a nivel educativo xorden na crianza das nenas e dos nenos (rabechas, control de esfínteres, chupete, celos...).

Consulta o Calendario de talleres Educa Saúde .