O Servizo Municipal de Educación súmase aos actos organizados desde o Concello da Coruña para conmemorar o Día Internacional da Muller. Arredor deste 8 de marzo organizáronse unha serie de actividades, baixo o lema "Mulleres sen límites. A por todas", cos obxectivos de:

• Visibilizar e recoñecer os logros e avances de moitas mulleres que abriron camiño ao longo da historia e son fonte de inspiración para as novas xeracións.
• Visibilizar referentes femininos nos ámbitos das CTEM (Ciencia, Tecnoloxía, Enxeñería e Matemáticas).
• Implicar a cidadanía en xeral e os centros educativos en particular como parte imprescindible para unha transformación cara a unha sociedade máis igualitaria e xusta.

Máis información respecto diso.

Fondos sobre igualdade e feminismo

Tamén vos convidamos a visitar nestes días as diferentes exposicións con fodos sobre igualdade e feminismo das Bibliotecas Municipais, así como de consultar a guía de lectura: #VisibilizarOInvisible.