Concello da Coruña

Concello da Coruña

O venres 1 de outubro inaugúrase a exposición "Transición a pé de rúa"

Cando:

27 de setembro de 2021

Documentos:

Cartel_Transicion-a-pe-de-rua.png (3 MB)

Será en casa Museo Casares Quiroga e poderá visitarse ata o 28 de novembro

Esta mostra busca lembrar o proceso de instauración da democracia incidindo na prioridade do Goberno local de traballar pola recuperación da memoria histórica e dar a coñecer ás novas xeracións o esforzo e o risco que asumiu a sociedade da época en favor da liberdade.

Ademais, o mesmo venres 1 de outubro, ás 19.30 horas, haberá unha mesa redonda sobre o proceso de transición democrática na que participarán Hortensia (Tensi) Álvarez Folgar, Carlos Etcheverría e Demetrio Vázquez Martínez, así como os comisarios da exposición, Emilio Grandío e Miguel Gutiérrez.

A mostra

A mostra, organizada polo Concello e o Grupo de Investigación Hispona da USC, revisa o arquivo privado do coleccionista Miguel Gutiérrez de entre 1975 e 1979. Compóñense de carteis, publicacións, pasquíns, panfletos, fanzines, panos, vinilos, caixas de mistos... achegas de mercadotecnica dunha vintena de partidos e organizacións que dan conta da publicidade e a propaganda da época. Todo este material aborda dúas cuestións principais como son a mobilización popular e os restos do 'franquismo' agrupados en sete apartados ordenados cronoloxicamente.

Sucederanse así obxectos e deseños relativos ás primeiras reivindicacións sobre os dereitos das mulleres, carteis das reivindicacións a favor do retorno de presos políticos ou o referendo sobre a Reforma Política de 1976 -a primeira chamada ás urnas da cidadanía tras a ditatura- as reivindicacións da volta a un sistema de goberno republicano, as primeiras eleccións xerais de xuño de 1977, o referendo da Constitución Española de 1978 ou as eleccións municipais do 1979.

Máis información no Dossier "Transición a pé de rúa"

Documentos relacionados

  • Dossier "Transición a pé de rúa" (3 MB)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión