10 de marzo de 2020
Trátase dun concerto didáctico deseñado para o alumnado de 5.º e 6.º de Primaria impartido por Rosa Sánchez e Pablo Carpinteiro, para realizar na semana do 11 ao 15 de maio
O contido, didáctico e activo, explica a evolución musical da humanidade contada a través da vida e do desenvolvemento musical dunha nena e dun neno galegos na nosa sociedade tradicional.
Tocaranse temas como a selección natural e sexual, as diferenzas entre sexos en canto á música, a importancia das sociedades matriarcais, a orixe da música e a súa utilidade dentro do proceso evolutivo e en diferentes aspectos das nosas culturas (medicina, ritos, cohesión social etc.).
No concerto empregaranse 43 instrumentos tradicionais galegos e explicarase a teoría da orixe infantil dos instrumentos musicais. A duración da actividade acompañada de música é de 70 minutos.
Inscrición na actividade
Esta actividade será gratuíta para os centros educativos que o soliciten mediante a inscrición na ficha específica da actividade, desde o 10 ao 31 de marzo ás 14.00 horas.
Serán admitidos todos os centros solicitantes por rigorosa orde de petición ata esgotar recursos.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible