Concello da Coruña

Concello da Coruña

O 25 e 26 de xuño regresan as 10 persoas participantes no programa de bolsas FP Acoreuropa VIII

Cando:

25 de xuño de 2019

Ao termo da súa estadía de 3 meses de prácticas en empresas de Cork, Padua e Viena regresan a A Coruña os/as 10 participantes do programa, titulados de ciclos formativos de grao superior: o 25 de xuño os dous bolseiros/as de Burdeos, e o 26 os tres bolseiros/as de Cork, os tres de Viena e os dous de Padua

Estas son algunhas das súas impresións sobre a súa experiencia antes de regresar:

"A experiencia permitiume experimentar diferentes cambios a varios niveis: persoal, profesional e cultural (Cork). En todos eles estou moi contento por todo o aprendido, polo que valoro a experiencia positivamente". 

"A miña experiencia en Bordeus foi moi satisfactoria en canto ao persoal e profesional. Mellorei en moitos aspectos persoais como a inseguridade á hora de falar un idioma estranxeiro. En canto ao profesional, desenvolvín tarefas de Visual Merchandiser e escaparatista, aprendendo moito. Sen dúbida foi unha boa experiencia".

"A miña experiencia de Erasmus é estupenda (Bordeus). Na casa hai un ambiente moi bo, é fenomenal. Na empresa é xenial, a dona vaise xubilar e está a liquidar todo, así que hai moito traballo de finalización de pezas, últimos retoques... Díxome que lle encantaría que me quedase o último mes, pero que coa liquidación non me pode ofrecer un contrato. A verdade é que me dá moita pena porque estou a aprender moito. En fin... acábase, pero levo unha experiencia única!"

"Estou moi contenta de como está a transcorrer a miña experiencia. En canto ás prácticas, estou moi agradecida e estou completamente satisfeita. Por outra banda, a cidade (Viena) en si paréceme perfecta para vivir, non me importaría quedar por moito tempo máis. Por suposto coñecín a moita xente nova e fixen bos amigos, é unha cidade con moitos estudantes e xente nova. Só espero que todo siga así e seguir vivindo novas experiencias á vez que aprendendo".

"A miña experiencia foi moi boa tanto a nivel persoal como a nivel profesional, aprendín italiano e moitas cousas relacionadas coa informática, ademais, coñecín a moita xente e puiden viaxar a moitas outras cidades. Estou moi contento de vir aquí ( Padua)".

Programa ao que pertence

  • Bolsas Europa FP. Proxecto Acoreuropa IX

    Programa inscrito no programa Erasmus + da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.

    Máis información

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión