A documentación presentarase preferiblemente a través do Rexistro electrónico do concello entrando na web https://sede.coruna.gob.es. Tamén se poderá presentar presencialmente nos rexistros municipais ou por calquera outro medio permitido pola Lei de procedemento administrativo.

Consulta as listaxes de admisión provisional nos documentos anexos, publicadas polas escolas municipais. Cada documento inclúe as prazas ofertadas por ano de nacemento (2018, 2019 e 2020).

A adxudicación das prazas nas Escolas Infantís Municipais (EIM) realizarase exclusivamente atendendo á puntuación obtida segundo as bases aprobadas pola Xunta de Goberno Local do 17 de xuño de 2020.

Estas listaxes publícanse para os efectos de informar das puntuacións provisionais asignadas a cada persoa usuaria e con referencia á primeira opción solicitada. Non supoñen unha lista de adxudicación de prazas provisionais, tendo en conta que poderán ser modificadas como consecuencia de:

1. Corrección de puntuacións derivada da emenda de documentación polas persoas solicitantes.

2. Pola consideración das segundas opcións solicitadas por persoas con maior puntuación.​

Podes consultar toda a información sobre o proceso de admisión aquí.