A tenda está situada no posto nº 13 do mercado de Monte Alto. Foi financiada pola Fundación Barrié e os seus recursos son compartidos cos centros educativos que teñen interese por coñecela e visitar o mercado.

Dispón de tres mostradores: frutería, panadería e pescadería e coa dotación de medios materiais adecuados e adaptados par os nenos e nenas de educación infantil.

É requisito imprescindible asistir á reunión informativa que se realizará na última semana de novembro. Cada profesor/a solicitante debe acudir á reunión aínda que xa coñeza a dinámica da mesma. A non asistencia implica a renuncia á mesma. O obxectivo da reunión é informar sobre as condicións das visita, sobre o uso deste espazo e colaborar co profesorado que o solicite.

A visita será dirixida polo profesorado do centro solicitante, será responsable da actividade e uso do espazo e materiais durante o tempo que permanezan na tenda.

É necesario avisar dos danos ocasionados ademais de deixar a tenda nas mesmas condicións de inicio. É tambien imprescindible comunicar o alumnado que poida ter intolerancias ou alerxias a alimentos (leite, fariña, froita, peixe...) xa que na tenda inclúense produtos frescos