A Asociación Galega de Xornalistas do Deporte (AGAXORDE), en colaboración co departamento de Seguridade Cidadá do Concello da Coruña, Bicicoruña, Mobilízate, a Deputación da Coruña, a Xunta de Galicia e Deporte Galego, organiza, o vindeiro luns 16 de xuño, ás 11.00 horas, no salón de actos do Centro Sociocultural Ágora, unha sesión de sensibilización sobre o uso correcto da bicicleta e o patinete eléctrico.

A actividade, que leva por título "Non estás en TikTok: baixa da nube e aprende a circular", está dirixida ao alumnado de último curso de educación primaria e contará coa participación dun policía local, un xornalista e un ex-ciclista profesional.

Os centros interesados en participaren poderán realizar a inscrición desde o luns 2 ata o xoves 12 de xuño. A ligazón á ficha de inscrición está dispoñible na páxina do programa: Non estás en TikTok: baixa da nube e aprende a circular .