A Orquestra Sinfónica de Galicia (OSG) abriu o prazo de inscrición nas súas actividades. Os centros poderán formalizar a súa solicitude ata o 26 de outubro a través desta ligazón.

O programa "Son futuro" ofrece un plan de formación musical didáctico e progresivo para que o alumnado asista a concertos con programas musicais adaptados.

Concertos

A adxudicación dos concertos realizarase segundo os criterios fixados polo Servizo Municipal de Educación e o Departamento Didáctico da OSG e a limitación de capacidade. Unha vez adxudicados os concertos comunicaranse aos centros mediante correo electrónico.

A adxudicación dos concertos, o calendario dos mesmos así como a comunicación de calquera incidente ou aclaración unha vez comezado o programa corresponde ao Departamento Didáctico da OSG.