18 de febreiro de 2022
O programa consta de 60 prazas para realizar unha inmersión lingüística no verán en inglés, portugués, francés ou alemán.
Desde hoxe ata o 4 de marzo está aberto o prazo de inscrición no programa Idiomas do Mundo 2022. Este programa municipal ofrécelle a oportunidade ao alumnado residente na Coruña que cursa 1.º de Bacharelato no curso 2021-22 de realizar este verán unha actividade de inmersión lingüística en inglés, portugués, francés ou alemán.
Hai 60 prazas dispoñibles nos seguintes destinos: 37 en Irlanda, 10 en Francia, 10 en Portugal e 3 en Alemaña ou Austria. A inmersión terá unha duración de catro semanas, preferentemente durante o mes de xullo.
O alumnado que queira participar no programa deberá incribirse a través da ficha específica. Unha vez feita a inscrición o sistema elabora un xustificante no que se lle concede un número de asignación (IDE) que será o de referencia de cada expediente no proceso.
A documentación do expediente e o xustificante da inscrición en liña deberá presentarse nos rexistros municipais ou por calquera outro medio permitido pola Lei de procedemento administrativo.
Programa ao que pertence
O programa educativo "Idiomas do Mundo"ofrece a oportunidade ao alumnado que cursou 1º de Bacharelato no curso 2021-22, de realizar unha actividade de inmersión lingüística no verán de 2022, en inglés, portugués, francés ou alemán, co obxectivo de mellorar a competencia nalgunha das linguas europeas máis faladas no mundo e poder acreditar de modo oficial o nivel alcanzado consonante o Marco Común Europeo de Referencia para as Linguas (MCERL).
Máis informaciónSentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible