13 de decembro de 2018
A convocatoria do programa Bolsas Europa FP-Proxecto Acoreuropa VIII ten como obxectivo a adxudicación de 11 bolsas para titulados/as de ciclos superiores de FP, para facer prácticas formativas de tres meses de duración (de finais de marzo a finais de xuño de 2019) en empresas de Austria, Francia, Italia e Irlanda.
As 11 bolsas distribúense da seguinte maneira:
O programa está dirixido a persoas tituladas en ciclos superiores de FP que conseguiron a súa titulación en xuño ou en decembro de 2018, incluída a FCT (Formación en centros de traballo). E que realizasen os seus estudos nalgún dos 9 centros docentes públicos que participan como socios no programa: CIFP Anxel Casal, CIFP Escola de Imaxe e Son, CIFP Paseo das Pontes, CIFP Someso, IES A Sardiñeira, IES Eusebio da Guarda, IES Fernando Wirtz, IES Ramón Menéndez Pidal e IES Urbano Lugrís.
A inscrición ábrese do 13 ao 28 de decembro na web do Concello a través da ficha específica do programa e presentando a documentación esixida, en calquera dos rexistros municipais, situados no Pazo municipal de María Pita, Fórum Metropolitano, Ágora ou Mesoiro.
O proceso de selección das persoas participantes está previsto que se desenvolva durante os meses de xaneiro e febreiro. Para iso, a Comisión de Valoración terá en conta as cualificacións obtidas nos estudos de FP, a competencia lingüística de idiomas estranxeiros, a valoración que faga o centro e o resultado dunha entrevista persoal realizada pola Comisión, na que estarán representados o Concello e os centros docentes socios do programa.
As bolsas inclúen todos os gastos: as viaxes de ida e volta, o aloxamento, un seguro de atención sanitaria e responsabilidade civil; e ademais as persoas participantes recibirán unha cantidade económica para o seu mantemento e estadía de 1.500 €. Ademais, o Concello, en colaboración coa empresa de xestión Oneco e as organizacións intermediarias nos países de destino, tamén se encargarán da xestión do programa: a organización das viaxes, a procura de aloxamentos e das empresas de prácticas, así como da tramitación da documentación ante o SEPIE para o recoñecemento oficial das prácticas.
O proxecto será desenvolvido pola Concellería de Xustiza Social e Coidados, a través do Servizo Municipal de Educación, en convenio co Servizo Español para a Internacionalización da Educación (SEPIE) e os centros docentes asociados. Coa colaboración dunha empresa de xestión e as organizacións intermediarias nos países de destino; e financiamento da Deputación Provincial da Coruña.
ACLARACIÓNS DE DÚBIDAS:
Servizo Municipal de Educación
Casas de Paredes. Avda. da Mariña, 18 - 3ª planta. 15001 A Coruña
Correo: educacion@coruna.es
Teléfono: 981 184 200
Técnica de Educación: Ana Judel Prieto (ext. 12038)
Programa ao que pertence
Programa inscrito no programa Erasmus + da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.
Máis informaciónDocumentos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible