O programa está dirixido a titulados en ciclos superiores de FP que alcanzaron a súa titulación en decembro de 2021 ou en xuño de 2022, incluída a FCT (Formación en centros de traballo). E que realizasen os seus estudos nalgún dos 9 centros docentes públicos que participan como socios no programa: CIFP Anxel Casal, CIFP Escola de Imaxe e Son, CIFP Paseo dás Pontes, CIFP Someso, IES A Sardiñeira, IES Eusebio da Guarda, IES Fernando Wirtz, IES Ramón Menéndez Pidal e IES Urbano Lugrís.

A ficha específica de inscrición está publicada na web de desde Educación o martes 15 de marzo, e teñen que presentala xunto coa documentación esixida, e por rexistro presencialmente -con cita previa- en calquera dos rexistros municipais (situados no Pazo municipal de , María Pita Fórum Metropolitano, Ágora ou Mesoiro) ou por rexistro electrónico:

• Xustificante da solicitude debidamente cumprimentada e asinada.
• Fotocopia do DNI/ NIE ou pasaporte
• Fotografía recente tamaño carné (con nome no reverso).
• Se é o caso, fotocopia do documento de demandante de emprego
• Se é o caso, calqueira título oficial de idiomas.
• CV Europeo (en inglés)
• Carta de motivación (en inglés)
• Application form (en inglés)

14 bolsas

O programa na súa primeira convocatoria oferta 14 bolsas, cos seguintes destinos:

• 2 bolsas en francés en Francia (Bordeus) ou en inglés en Malta (Gzira)
• 4 bolsas en inglés en Irlanda (Cork)
• 2 bolsas en inglés en República Checa (Praga) ou Austria (Viena, pode ser en alemán)
• 3 bolsas en italiano en Italia (Padua)
• 3 bolsas en portugués en Portugal (Lisboa)

Con todo, o órgano competente poderá variar a súa distribución en función da competencia lingüística das persoas seleccionadas e da existencia de empresas idóneas ao seu perfil profesional e académico nos destinos solicitados.

As bolsas inclúen todos os gastos: as viaxes de ida e volta, o aloxamento, un seguro de atención sanitaria e responsabilidade civil; e ademais as persoas participantes recibirán unha cantidade económica para o seu mantemento e estadía de 1.500,00€. Ademais, o Concello, en colaboración coa empresa de xestión Oneco e as organizacións intermediarias nos países de destino, tamén encarganse da xestión do programa: a organización das viaxes, a procura de aloxamentos e das empresas de prácticas, así como da tramitación da documentación ante o SEPIE para o recoñecimento oficial das prácticas.

O proxecto será desenvolvido pola Concellería de Educación, Cultura e Memoria Histórica, a través do Servizo Municipal de Educación, en convenio co Servizo Español para a Internacionalización da Educación (SEPIE) e os centros docentes asociados. Coa colaboración dunha empresa de xestión e as organizacións intermediarias nos países de destino; e finanzamento da Deputación provincial da Coruña.

As bases foron publicadas no BOP do 14/03/2022.