Reunida a Comisión de Valoración, nas datas 11 e 12 de maio de 2022, e realizada a baremación da documentación presentada polas persoas admitidas (segundo a cláusulas 6 das bases do dito proceso), procédese á publicación das ditas listaxes provisionais (no documento relacionado):

1. Das persoas seleccionadas (tantos como prazas se oferten no programa), sinalando o país de destino.

* Os destinos indicados tamén son provisionais, tal como se recolle na cláusula 2 das bases:  "Non obstante, o órgano competente poderá variar a súa distribución en función da competencia lingüística das persoas seleccionadas e da existencia de empresas axeitadas ao seu perfil profesional e académico nos destinos solicitados".

b) Das persoas que, cumprindo os requisitos, non acadan o número de orde que lles permita participar no programa por exceder do número de prazas. Estas persoas constituirán a listaxe de agarda.

c) Das persoas solicitantes que non cumpren os requisitos para participar no programa, con expresión sucinta da causa da súa exclusión.

Ábrese un prazo de presentación de reclamacións de dez días, dende o 16 ao 30 de maio de 2022, para que, no caso de corresponda, se poidan realizar alegacións ao respecto das puntuacións asignadas, sobre a base da documentación que obre no expediente. De non facelo así teráselle por desistido da súa petición.

Ditas alegacións deberán ser presentadas en calquera dos rexistros municipais (ubicados no Pazo municipal de María Pita, Fórum Metropolitano, Ágora ou Mesoiro) ou en calquera das dependencias a que se refire o artigo 16 da Lei 39/2015, do 1 de outubro, do Procedemento Administrativo Común das Administracións Públicas.

Segúndo a clausula 10 e 11 das bases "a Comisión de Valoración examinará as alegacións presentadas e emitirá informe motivado".  Posteriormente, "A proposta de resolución definitiva elevarase ao órgano competente que resolverá o procedemento de xeito motivado". E publicarense as listaxes definitivas de persoas selecionadas, listaxe de agarda e listaxe de persoas excluidas na páxina web www.coruna.gal/educacion, ( aproximadamente a partir do 3 de xuño).

Calquera aclaración ou consulta pódese facer no correo educacion@coruna.es ou no teléfono 981 184 200, extensións 22041  e 12114.