Caramuxo Teatro presenta ÑAM!

Comer é un pracer, pero antes hai que cociñar e escoller os mellores produtos, porque as mazás poden ser verdes ou vermellas, as galletas grandes e pequenas, os tomates da casa ou doutro lado do mundo. A min encántame o salgado! Pois eu prefiro o doce! Ñam! é un espectáculo creado a partir do mundo da cociña para ver, escoitar, ulir, sentir e saborear en familia.

Unha proposta de lecer en familia para nenos e nenas de 3 a 6 anos cunha coidada estética na que o humor, a emoción, e a poesía se mesturan.

A actividade desenvolverase no escenario do auditorio do Centro Ágora e haberá dous pases:  Ñam!, de Caramuxo Teatro. Pase das 17.00 h  e  Ñam!, de Caramuxo Teatro. Pase das 18.30 h  para os que se haberá que inscribir previamente en https://www.coruna.gal/lingua/gl/axenda/proximas-inscricions.

A cada pase só poderán asistir 40 familias (crianza + persoa adulta). Pídese puntualidade.

Organiza Normalización Lingüística do Concello da Coruña dentro do programa Apego.

REQUISITOS POLA SITUACIÓN SANITARIA:

• Non poderán acceder ao evento aquelas persoas con síntomas compatibles coa COVID-19, aquelas diagnosticadas coa enfermidade e que non finalizasen o período de illamento ou as persoas que estean en período de corentena domiciliaria por teren contacto estreito con algunha persoa con síntomas ou diagnosticada de COVID-19.
• Seguiranse as instrucións do persoal organizador.