A cociña, ese lugar onde se guisan sopas de letras, onde as especias bailan e os queixos cantan. Poesía, música e cancións son os ingredientes principais cos que imos preparar un menú exquisito. Gustades?

Convidámosvos a entrar na nosa peculiar cociña: un lugar cheo de trastes e utensilios que a todos nos soan; un lugar no que imos cociñar palabras que se comen polos ollos sen culler e garfo; un lugar onde as torradoras voan, as especias bailan, os allos saltan con pértega e no que, mmm... cheira que alimenta!

 "De todos os cuartos que a miña casa ten, se podo elixir, elixo a cociña sempre". Ignacio Sanz

No noso oitavo espectáculo para a primeira infancia eliximos "a cociña", porque a consideramos un espazo "máxico" e de experimentación: a alma das vivendas, o escenario que envolve o noso día a día para xogar e o máis adecuado para botar a voar a nosa imaxinación.

A cociña dá calor, cor, sabor, cheiro... Nela descubrimos as primeiras texturas, os primeiros sabores, porque é o primeiro laboratorio que coñecemos, ese espazo no que, desde nenos, experimentamos coa comida, cos obxectos, cos sentidos.

https://vimeo.com/387934012

FICHA ARTÍSTICA

Interprete e cantante: Ana Isabel Gallego

Dramaturxia e dirección: Ángel Sánchez e Ana Isabel Gallego

Música: Ángel Sánchez

Deseño do espazo escénico: Juan Carlos Pastor.

Escenografía e vestiario: Eva Brizuela e Israel Robledo

Deseño de luces: César Rodríguez 

Apoio pedagóxico: Irene Gallego

Asesor de maxia: Gonzalo Granados

Teatro, poesía, música e cancións, en castelán.

Duración: 35 min.

Público: Familiar con bebés, desde 6 meses ata 4 anos.

VENDA DE BILLETES

• www.ataquilla.com
• Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.
• Despacho de billetes do Ágora: desde unha hora antes do comezo do espectáculo (sempre que queden entradas dispoñibles)