Concello da Coruña

Concello da Coruña

Cancélanse os programas formativos Bolsas USA, Acoreuropa IX e Idiomas do mundo ante a incerteza ocasionada pola pandemia

Cando:

5 de xuño de 2020

O concello decide suspendelos ao non poder garantir as medidas de seguridade e de hixiene e que se desenvolvan nos termos das convocatorias anteriores

O concello cancela os programas educativos internacionais Bolsas USA 2020-21 , Bolsas Europa FP. Proxecto Acoreuropa IX e Idiomas do mundo 2020-21 pola incerteza xerada polo desenvolvemento da pandemia e ao non lles poder garantir ás familias e beneficiarias/os que se poidan cumprir as medidas de seguridade e de hixiene. Ante esta situación, o Goberno local decide non seguir adiante coas convocatorias por non poder asegurar que se leven a cabo os programas nos mesmos termos doutros anos. Así que deixa sen efecto a resolución en que se aprobaron as bases reguladoras das Bolsas USA, dirixidas a estudantes de 4.º da ESO, en que se lles ofrecía a opción de adquiriren un dominio avanzado da lingua inglesa coa realización dun curso equivalente a 1.º de Bacharelato nos Estados Unidos.

Do mesmo xeito, anúlase "Idiomas do mundo 2020" que posibilitaba a estadía do estudantado de 4.º da ESO e 1.º de Bacharelato en Francia, Irlanda, Portugal e Alemaña ou Austria durante catro semanas do verán, co fin de melloraren a competencia nalgunha das linguas europeas máis faladas no mundo. Por mor da crise sanitaria internacional, tampouco se poderá desenvolver o programa Acore, en que se ofertaban cinco prazas para que tituladas/os superiores en formación profesional nos ciclos formativos de Hostalería e Turismo, Comercio e Márketing, e Administración e Xestión realizasen prácticas en empresas de Austria, Italia e Reino Unido.

SUMMER TALK CORUÑA

A Concellería de Educación, en colaboración coa Federación de APAS da Coruña, porá en marcha en xullo o programa Summer Talk, con actividades de dinamización dirixidas ao alumnado da ESO para a mellora da expresión e comprensión oral da lingua inglesa.

Programa ao que pertence

  • Bolsas USA 2020-21

    A realización deste programa suspéndese para a edición 2020-2021 debido á situación de alerta sanitaria xerada pola COVID-19.

    Programa no que se lle ofrece a oportunidade ao alumnado de 4.º da ESO residente na cidade da Coruña de cursar o Grao 11 en EE. UU. -equivalente a 1.º de Bacharelato.

    Máis información
  • Bolsas Europa FP. Proxecto Acoreuropa IX

    Programa inscrito no programa Erasmus + da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.

    Máis información
  • Idiomas do mundo 2020-21

    A realización deste programa suspéndese para a edición 2020-2021 debido á situación de alerta sanitaria xerada pola COVID-19.

    O programa educativo "Idiomas do Mundo"ofrece a oportunidade ao alumnado de 4º da ESO e 1º de Bacharelato, de realizar unha actividade de inmersión lingüística no verán de 2019, en inglés, portugués, francés ou alemán, co obxectivo de mellorar a competencia nalgunha das linguas europeas máis faladas no mundo e poder acreditar de modo oficial o nivel alcanzado consonante o Marco Común Europeo de Referencia para as Linguas (MCERL).

    Máis información

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión