13 de novembro de 2018
A escola infantil municipal organiza un mercado solidario en favor das escolinhas de Tete (Mozambique). Será o sábado 22 de decembro
Entre as accións de colaboración e cooperación coas escolinhas de Tete (Mozambique) que leva a cabo a EIM Monte Alto, realizarase un mercado solidario de venda de plantas cultivadas polos/as escolares.
Con esta actividade preténdese rcaudar fondos para a creación de "machambas", hortos, e comprar plantas e sementes co fin de cultivar produtos para alimentar os nenos e as nenas das escolas de Mozambique.
Para levar a cabo esta iniciativa, desde a EIM Monte Alto solicitan colaboración veciñal a través da doazón de todo tipo de plantas, de macetas ou de envases reciclados que sirvan de macetas. A recollida realizarase a partir do mércores 21 de novembro, de 13:00 a 16:00 horas na escola e na AVV Atochas Monte Alto.
O mercado realizarase o sábado 22 de decembro, a partir das 10:00 horas, nos exteriores da escola.
Entidades
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible