Este martes, como todas as sesións do Foro Pensando en Educación, celebrarase ás 19:30 na Paraninfo da UDC a conferencia "A educación emocional" a cargo do xuíz José Antonio Vázquez Taín.

Quen queira asistir por "streaming" pode facelo a través da canle de Youtube da Concellería de Educación:  https://www.youtube.com/watch?v=rTZ2amA4QnY

Vázquez Taín

Vázquez Taín é licenciado en Dereito pola Universidade de Santiago de Compostela. Reside na Coruña desde 2007, cidade onde exerce de maxistrado. Con anterioridade traballou como xuíz en Santiago de Compostela e Vilagarcía de Arousa. O seu labor á fronte de operacións xudiciais contra o narcotráfico é notorio. Destaca publicamente polo seu interese na difusión e achegamento do mundo da xustiza á cidadanía a través da colaboración con numerosos medios de comunicación.

De forma paralela, o ourensán desenvolveu unha carreira como autor con tres novelas (Más allá y más arriba, Al infierno se llega deprisa e El mar sin fondo), tres ensaios (Matar no es fácil, Grandes juicios de la historia e Pulso al Estado) e unha historia novelada sobre o Camiño de Santiago (Santiago. La leyenda del santo oculto).​