O "Obradoiro de iniciación á curtametraxe en galego" é unha actividade en horario extraescolar dirixida a escolares de 5º e 6º de E. Primaria e de carácter gratuíto, para aprender a redactar un guión e gravar unha curtametraxe empregando como lingua vehicular o galego e co obxectivo é potenciar as competencias orais e escritas en lingua galega asi como a capacidade creativa a través das artes audiovisuais. 

En dúas sesións semanais dunha hora de duración, os períodos de realización son:

• Primeiro trimestre (catro centros): do 10 de outubro de 2018 ao 14 de xaneiro de 2019
• Segundo trimestre (catro centros): do 21 de xaneiro ao 12 de abril de 2019.

E os horarios:

• luns e mércores, de 16.00 a 16.50 h (xa cuberto no 1º trimestre)
• luns e mércores, de 17.10 a 18.00 h
• martes e xoves, de 16.00 a 16.50 h
• martes e xoves, de 17.10 a 18.00 h (xa cuberto no 2º trimestre).

Requisitos

Só poderán participar 4 grupos por trimestre, un por cada modalidade de horario. A adxudicación dos grupos farase por orde de chegada das solicitudes, sempre que se cumpra o requisito do mínimo do número de alumnos/as.

Os grupos formaranse cun mínimo de 7 escolares e un máximo de 15. Unha vez comezado o programa, poderá haber novas altas coa condición de que queden prazas vacantes no grupo que se solicita. No caso de que non queden prazas, a persoa solicitante pasará a formar parte dunha lista de espera.

Acceda aquí á ficha específica: https://www.edu.coruna.es/coruna_educa_centros/curtas/main.php

Máis información

Servizo Municipal de Educación.

Ana Judel. T: 981 184 200 ext. 12038

O monitor do obradoiro (Omar Rabuñal) presentaralles o contido do taller aos centros interesados, durante o mes de setembro, logo da previa solicitude ao Servizo Municipal de Educación.