Desde o día 9 de xaneiro ata o día 20 estará aberto o prazo de solicitude para o programa "Bolsas Canadá 2023-24", que ofertará unha estadía en Canadá para 35 alumnos/as que comezará en agosto de 2023 e finalizará en xuño de 2024 (aprox.), incluídas as vacacións escolares de Nadal e Semana Santa.

Poderá ser adxudicatario da bolsa o alumnado empadroado no Concello da Coruña e escolarizado nun centro educativo da cidade, que cumpra os seguintes requisitos:

• Residir e estar empadroado co seu pai, nai ou representante legal, no seu caso, no momento da solicitude
• Estar matriculado e cursando 4º de ESO no curso escolar 2022-23 nun centro da cidade da Coruña
• Contar no curso de 3º da ESO cunha cualificación media de 6,5 puntos ou máis e non ter ningunha materia suspensa no curso 2021-22
• Contar no curso de 3º da ESO cunha cualificación de 7 puntos ou máis na materia de lingua estranxeira (inglés) no curso 2021-22