Concello da Coruña

Concello da Coruña

Oito horas, unha curta

Cando:

19/10/2019

Xornada de formación audiovisual

Xa rematou

Horario:

De 10:00 a 14:00 e de 16:00 a 20:00h.

Enderezo:

Centro Sociocultural Ágora. Lugar Gramela 17. 15010 A Coruña

Prezo:

Matrícula gratuíta

Solicitada a homologación por 8 horas lectivas.

A inscrición realizarase a través da web

da as-pg: www.as-pg.gal no apartado de

Formación.

*O número de prazas é limitado e cubrirase por rigorosa orde de inscrición tendo en conta que hai unha reserva máxima dun 30% para aquelas persoas que nunca traballasen como docentes para a Consellería de Educación.

O audiovisual sérvenos para contar historias con imaxes e son, pero máis aló diso, é un formato especialmente atractivo para os máis novos e, por iso, un cómplice clave para motivar ao alumnado para traballar con temáticas transversais.

O audiovisual sérvenos para contar historias con imaxes O obxectivo desta formación é facilitar ferramentas parapoder desenvolver proxectos audiovisuais na aula dunha maneira sinxela.

Nunha xornada de oito horas traballaremos sobre como afrontar un guión, planificar a rodaxe,gravar e editar de forma áxil. Conducida por Xosé Antón Moure e Cristina de la Torre, profesionais do audiovisual e con experiencia en formación, a xornada dividirase nos seguintes bloques:

BLOQUE 1. GUIÓN

Máis que palabras

Temos unha idea, pero falta saber como contala. Por iso comezaremos coas claves da escrita para o entorno audiovisual. Con exemplos de formatos, guión, claves de trama, etcétera. Logo da presentación faremos unha práctica adaptando unha peza literaria que pode ser proposta polos participantes. Ese guión, realizado de forma individual ou por equipos, servirá para seguir traballando o resto da xornada.

BLOQUE 2. PLANIFICAR A RODAXE

Organización! (e creatividade)

Analizaremos que se precisa para converter un guión nunha peza audiovisual. Valoraremos casos reais de solucións creativas para resolver os condicionantes habituais dun contexto educativo. No último tramo, dividirémonos por equipos para desenvolver un plan de rodaxe cos guións propostos no primeiro bloque e decidir cal ou cales gravamos.

BLOQUE 3. RODAXE

Cando o fai o alumnado

Breve introdución sobre narrativa visual, con tipos de plano, ritmo de escena... Analizaremos algunhas cuestións técnicas como formatos de gravación, como xogar coa iluminación e como recoller un audio de calidade. Deterémonos un pouco máis no uso do móbil como ferramenta.

Despois adicaremos un tempo a rodar unha das pezas no entorno do curso.

BLOQUE 04. MONTAXE.

Narrar sen complexos

A edición de vídeo require tecnoloxía pero tamén calidades e intencións narrativas. Veremos algúns exemplos clips moi determinados pola montaxe e pasaremos a editar a curta resultante da rodaxe.

CONCLUSIÓN.

Compartir para existir

Ao finalizar a formación reflexionaremos sobre a importancia de difundir os traballos, os condicionantes das redes sociais, a etiqueta Creative Commons e os dereitos de imaxe.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión