O programa permítelle ao alumnado de 4º da ESO residente na cidade da Coruña cursar o grao 11 en EE.UU., equivalente a 1º de Bacharelato.

Como requisitos principais, o alumnado aspirante debe estar empadroado no Concello da Coruña e obter en 3º de ESO unha cualificación media de 6,5 puntos ou máis (sen ter ningunha materia suspensa) e de 7 puntos ou máis en inglés.

Toda a información relativa ás Bolsas USA pódese consultar en  Bolsas USA 2020-21 , que inclúe as bases publicadas no Boletín Oficial da Provincia (BOP) do venres 8 de novembro de 2019 [Cómpre ter en conta a corrección de erros nas bases publicada no BOP do venres 15 de novembro].

Obxectivo do programa

O programa ten como obxectivo que as persoas participantes adquiran un dominio avanzado da lingua inglesa e un coñecemento real doutra cultura. Así mesmo, promove unha educación baseada no respecto á diversidade cultural, racial, sexual... e a igualdade de oportunidades entre mulleres e homes.