Jorge Gómez García, alumno de 4.º da ESO do IES Agra do Orzán, logrou o primeiro premio do concurso A maxia da robótica concedido polo Concello da Coruña. Coordinou a actividade neste centro a profesora M.ª Jose Martínez Rey .

O segundo premio do concello recalou en Daniel Güeto Sandás, un alumno de 1.º de bacharelato do IES Menéndez Pidal. Da coordinación da actividade neste centro encargouse a profesora Paz Freire Campo.

O Concello da Coruña concedeulles dous premios de material por valor de 300 euros aos dous centros do concello que obtiveron a mellor puntuación, un en cada unha das categorías.

O premio de Igaciencia

Pola súa banda, Igaciencia concedeulle o seu premio a Adrián Barcia Mosquera de 4.º da ESO do IES Carvalho Calero de Ferrol, cuxa coordinación da actividade correu a cargo da profesora M.ª Ángeles Ruiz-Matas García. O premio consistiu nun equipo Lego NXT (válido para programar con EV3).

Á cerimonia de entrega asistiron o concelleiro de Educación, Jesús Celemín Santos, e o presidente de Igaciencia, Manuel Díaz Regueiro.