Concello da Coruña

Concello da Coruña

Visitas escolares Coruña de aventura 2021-22

Visitas a diversas entidades da cidade e percorridos guiados para alumnado de centros educativos en horario escolar.

Localización do centro:

De calquera concello

Servizo municipal:

Educación

Tipo de actividade:

Complementaria

Titularidade do centro:

Público, Concertado, Privado

A quen vai dirixido?:

Alumnado de Educación Infantil, primaria, secundaria e especial, en función dos requisitos das visitas.

Respectarase o número máximo de alumnado previsto en cada visita, para garantir tanto a seguridade como que se poidan ver os procesos e escoitar as explicacións con claridade.

Sesións de 90 minutos. O horario establecerase unha vez que estea elaborado o calendario.

  • As visitas son gratuítas.
  • Cada centro poderá solicitar unha única visita ou itinerario por grupo-clase.
  • Non se poderá solicitar a mesma visita ou percorrido para máis dun nivel por centro. Valoraranse as excepcións motivadas.
  • O programa ten establecido un número máximo de visitas e itinerarios. No caso de que a demanda fose maior que a oferta, procederase á adxudicación por rigorosa orde de inscrición.
  • O servizo municipal de educación (SME en adiante) asigna as visitas (ver proceso de asignación) tendo en conta as condicións que indica a empresa e na medida dos posible as preferencias dos centros.
  • Unha vez que os centros teñen asignadas as datas definitivas deben poñerse en contacto coa entidade (como máis tardar nas 48 horas anteriores a que se realice a actividade) para confirmar a visita e aclarar e/ou acordar calquera cuestión de interese.
  • A aplicación coa que xestionamos o programa envía aos centros un recordatorio das visitas que están previstas para os próximos días, así como unha ficha de avaliación para cada unha das actividades.
  • Importante: No caso de que se anule ou cambie a data asignada como definitiva entre a entidade e o centro sempre debe ser comunicada esta cuestión ao Servizo Municipal de Educación. No caso de que non se realice esta comunicación en prazo o SME non asumirá ningunha responsabilidade nin correrá cos cargos xerados a partir do cambio de datas (ex: non dispoñibilidade de transporte para a nova data.)

Proceso de asignación das visitas

  • O SME abre un prazo do 15 de setembro ao 15 de outubro para solicitar as visitas a través da ficha específica do programa.
  • O SME adxudica provisoriamente as visitas e o 15 de novembro envía (a través da aplicación do programa) ao centro e á persoa rexistrada como coordinadora un correo coas datas asignadas.
  • Os centros teñen ata o 3 de decembro para comunicar calquera desconformidade coas datas asignadas, en caso de non facelo as datas provisionais enténdense que son adecuadas e pasarán a definitivas.
  • O SME asignará novas datas para as solicitudes que indicaron problemas coa data provisional e unha vez confirmadas as novas datas coa entidade e o centro pasarán a definitivas.
  • O 17 de decembro enviaremos a todos os centros un correo coas asignacións definitivas de datas para as visitas solicitadas. Este documento será o de referencia para as entidades, os centros e o SME ao longo do programa. Os centros deben comprobar que recibiron o correo e estar atentos ao calendario.

Servizo de transporte

  • O transporte é gratuíto para as "Escolas infantís Municipais" e os CEIP da cidade.
  • O bus estará dispoñible media hora antes do inicio de cada visita. Este horario pode axustarse en función da distancia do centro ao lugar de inicio do itinerario.
  • Os autobuses teñen 54 prazas, polo que en ningún caso pódense exceder este número de participantes (incluído o profesorado acompañante).
  • Os centros que necesiten transporte adaptado deben solicitalo previamente.

Oferta de visitas e percorridos

    • Arquivo do Reino de Galicia
    • Biblioteca pública "González Garcés"
    • Casa Museo Emilia Pardo Bazán
    • Castelo de San Antón
    • Castro de Elviña
    • Cidade Medieval
    • CMIX
    • Coñece o bus urbano da túa cidade
    • Fundación Luís Seoane
    • Industria Capinteira de aluminio: Aluman
    • Museo de Belas Artes
    • Museo Militar da Coruña
    • Torre de Hércules
    • Un día en capitanía

Cando:

Dende o 17/01/2022 ata o 17/06/2022

Inscricións:

Dende o 15/09/2021 ata o 15/10/2021

Inscrición centros

Ficha de solicitude xeral e Ficha de solicitude específica

Do 15 de setembro ao 15 de outubro de 2021

Contacto:

Servizo municipal de Educación

Susana Vara Bilbao // Ana Paz Pérez

981 184 200 ext. 12047 // 12027

educacion@coruna.es

Documentos relacionados

  • Información visitas - Coruña de aventura 2021-22 (466 KB)

Teléfono de asistencia técnica da web educativa municipal (981 902 327)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión